انا عن شو بدي احكي لاحكي
عن العيون اللي بس يصفنو بيجننو العالم كلها
او عن الشعر
اللي هوي وسبل بيجنن وهوي مكزبر بيطير العقل
او عن الضحكة اللي ما بتفارق هالوجه الحلو
وبنفس الوقت ما بتفارق خيالي
او بدي احكي عن الايدين اللي اذا دقو على باب قلبي
الباب وقلبي بينهارو قدامهن
او بدي احكي عن الجسم
اللي بطلع في وما بصدق انو الله عندو ابداع يخلق جسم متل جسمك
او بدي احكي عن الشفايف او الخدود او الحواجب او الرموش
عن شو بدي احكي لاحكي
احكي عن العقل عن الطيبة عن الهضامة عن الظرافة
عن خفة الروح وخفة الدم
احكي عن اللي بتضل معي لو شو ما صار
وانو ضحكتها بتردلي الروح
عن شو بدي احكي
احكي عن حياتي اللي صارت بامرك انتي
احكي عن قلبي اللي بيدق كل ما بشوف اسمك او بشوف صورتك
احكي عن عقلي اللي ما عم يفكر غير فيكي
عن شو بدي احكي
انو اذا بدي احكي
بضل كل العمر عم احكي عنك وعن شو ساويتي فيني وما بخلص
احكي عن حبي الك او عن حبك الي
احكي عن حبنا لبعض اللي ما في شي رح يقدر يهدمو
احكي عن تفاهمنا وعن فرحنا مع بعضنا وزعلنا مع بعضنا
بحكي عن كتير اشيا
بس الشي اللي بحب احكو في على طول والكلمة اللي بحب قولها على طول
بحبك
بحبك
بحبك
بحبك
TKHATQM
12-20-2008
اليوم كملت علاقتنا النص سنة
عقبال العمر كلو
